Fələstinli məhbusların sayı 9500 nəfərə çatıb
Fələstinli Məhbuslar Klubu İsrail həbsxanalarındakı fələstinli məhbusların sayının 350-dən çoxunun uşaq olmaqla 9500-ə çatdığını açıqlayıb.
Sizinyolun xarici medialara istinadən verdiyi məlumata əsasən, Fələstinli Məhbuslar Klubu bu gün (5 mart) elan edib ki, İsrail həbsxanalarındakı fələstinli məhbusların sayı 9500-ə çatıb.
Məlumata görə onlardan 350-dən çoxu uşaq, 21-i qadındır. Bəyanatda həmçinin inzibati məhbusların (mühakimə olunmadan müvəqqəti saxlanılan) sayı da 3405 nəfər elan edilib. Qəzza zolağında saxlanılan və İsrail Həbsxanalar İdarəsi tərəfindən “qanunsuz döyüşçü” olaraq təyin olunan məhbusların sayının 1555 nəfərdir.
Qəzza müharibəsindən əvvəl fələstinli məhbusların ümumi sayı 5250 nəfər, o cümlədən 40 qadın, 170 uşaq və 1320 inzibati idi, lakin müharibədən sonra bu rəqəm xeyli artıb.
