Fələstinlilər İsrailin PUA-sını vuraraq yerə salıblar (VİDEO)

İşğal altında olan İordan çayının qərbində Kəfar-Qadum qəsəbəsi ərazisində fələstinlilərin etiraz aksiyası zamanı İsrail qüvvələrinin işlətdiyi PUA vurularaq, yerə salınıb.

SalamNews TRT.Arabic-ə istinadla xəbər verir ki, İsrail qüvvələrinin etiraz aksiyalarına qarşılıq vermək və gözyaşardıcı qazlar üçün istifadə etdiyi PUA-sı fələstinlilər tərəfindən vurularaq salınıb.

Bu qarşıdurma zamanı İsrail qüvvələri rezin güllələr və gözyaşardıcı qazlardan, eləcə də PUA-larla gözyaşardıcı qazların tətbiq edilməsindən geniş istifadə edib.

Qeyd edək ki, İordan çayının qərb sahili 1967-ci ildə İsrail tərəfindən işğal edilib. İsrail bu bölgələrdə azı 300 şəhər və qəsəbə salıb. İsrail son illərdə qeyd edilən yaşayış massivləri üzərində suverenliyini rəsmən elan etməyə çalışır.