Fələstinlilər şəhidlərin cəsədlərini qaytarmaq üçün Cənində nümayiş keçiriblər

İşğalçılar tərəfindən cənazələri girov götürülən fələstinli şəhidlərin ailələri Cənin şəhərində etiraz aksiyası keçirərək şəhidlərin cənazələrinin qaytarılmasını tələb ediblər.

Aksiya iştirakçıları dünyadakı bütün azadlıqsevər insanları şəhidlərin cənazələrini təhvil vermək, qadın məhbusları və bütün məhbusları azad etmək üçün işğalçı rejimə təzyiq göstərməyə çağırıblar.

Fələstinli etirazçılar işğalçıların Fələstin xalqına qarşı təcavüzünün davam etməsinə, məhbuslara işgəncələrə və əsirlikdə olan məhbuslara zülmünə qarşı üsyana çağırıblar.

Cənin şəhərində Fələstinli məhbusun adına olan “Kərim Yunis“ adlı meydanda keçirilən aksiyada iştirak edənlər sionist rejimin şəhid ailələrinin övladlarının cənazələrini saxlamasını pisləyiblər.

Onlar həmçinin dünyanın azad insanlarını, beynəlxalq və humanitar qurumları Fələstin xalqının yanında olmağa və işğalçı hakimiyyətə onların davam edən təcavüzlərini dayandırmaq üçün təzyiq göstərməyə çağırıblar.