Fələstinlilərlə toqquşmada 2 sionist mühacir yaralanıb
Sionist ordunun əsgərləri və sionist mühacirlər bu şənbə günü İordan çayının qərb sahilinin müxtəlif bölgələrinə hücum ediblər.
Mehr xəbər agentliyinin Şahab News-a istinadən verdiyi məlumata görə, bu şənbə günü axşam İordan çayının qərb sahilinin müxtəlif bölgələri sionist rejim ordusu və sionist mühacirlər tərəfindən hücumun və fələstinlilərlə işğalçılar arasında toqquşmaların şahidi olub.
İordan çayının qərb sahilində yerləşən Qəlqilyənin şərqindəki Azun qəsəbəsində sionist mühacirlər fələstinlilərin avtomobilinə daşla hücum etdikdən sonra, onlar fələstinli gənclərlə toqquşub və bu münaqişə zamanı 2 sionist qəsəbə sakini yaralanıb. Bu qarşıdurmadan sonra sionist rejim əsgərləri geniş şəkildə ərazidə peyda olub, hərbi tədbirləri gücləndirib və fələstinli gəncləri təqib ediblər.
Qəlqəliyyənin şərqində yerləşən Kəfr Qədum kəndində sionist rejim əsgərləri də qəsəbənin salınmasına və bu kəndin girişlərindən birinin 12 ildən bəri bağlanmasına etiraz olaraq yürüş edən fələstinlilərlə toqquşublar.
Bu qarşıdurma zamanı 15 yaşlı uşaq və 22 yaşlı fələstinli gənc İsrail əsgərlərinin gülləsindən yaralanıb.
Yerli mənbələr bildiriblər ki, sionist rejim əsgərləri Kəfr Qədum kəndinə hücumda və etiraz edən fələstinlilərlə qarşı səs bombalarından da istifadə ediblər.
Nablusda bir qrup sionist mühacir Fələstin torpaqlarına hücum edərək Nablusun cənubundakı Burin kəndi ətrafındakı zeytun ağaclarını qırıblar. Burin kəndi son vaxtlar sionist mühacirlər tərəfindən dəfələrlə hücuma məruz qalıb.
Digər tərəfdən, sionist rejimin əsgərləri Ceninin qərbində Ramane bölgəsinin sakini olan fələstinli Məhəmmədfəyyaz Başnaqı və qərbdəki Ət-Taibə bölgəsinin sakinləri Əmmar Ziyad Cabarin və Səid Məhəmməd Əbdünnəbini həbs ediblər.
Sionist rejimin əsgərləri Yəbud şəhərinin yuxarı hissəsində yerləşən “Dotan” keçid məntəqəsində Cenin şəhərinin gənc fələstinli sakini Məcd İvəz Əbu Ubeydi həbs ediblər. İşğal altında olan Qüdsdə Əl-Əqsa məscidinin cənubunda yerləşən Bətnəl-Havi məhəlləsindən olan Yusif Ər-Rəcbi də sionist ordu tərəfindən həbs edilib.
