Fəth Hərəkatı: İran bizim düşmənimiz deyil, İsrail bizim düşmənimizdir

Fəth Mərkəzi Komitəsinin baş katibi elan edib ki, hər kəsin bir düşməni var və bu düşmən İsrail rejimidir.

Fəth Mərkəzi Komitəsinin baş katibi Cibril Ər-Rəcub Fələstinlə bağlı son hadisələrdən danışıb.

O, Co Baydenin prezidentliyi dövründə Amerika hökuməti ilə Ramullah haqqında deyib:

Biz öyrəndik ki, bu hökumət əvvəlki Amerika hökumətlərindən heç də fərqlənmir və Fələstin məsələsi onların prioriteti deyil.

Ər-Rəcub əlavə edib: Bizim hamımızın tək düşmənimiz var və o, İsraildir və kompasın istiqaməti başqa yerə dəyişməməlidir.

O, davam edib: Ümid edirik ki, Həmasdakı qardaşlar ərəb əlaqələrinin (İsraillə) normallaşması ilə bağlı milli rıçaq yaratmaq üçün birliyin vacibliyini dərk edəcəklər.

Bizim düşmənimiz İran və Türkiyə deyil. Ərəb ölkələri, region və müsəlmanlar olaraq bizim prioritetimiz burada olmalıdır.

Ər-Rəcub Fələstin muxtariyyətinin başçısı Mahmud Abbas və Əlcəzairdəki HƏMAS-ın lideri İsmayıl Həniyyənin görüşünə cavab olaraq bildirib ki, bir neçə ay əvvəl Əlcəzair bütün Fələstin tərəflərinin fikirlərini dinləmək üçün plan təqdim edib.

O, Fəth və HƏMAS münasibətləri və Fələstin barışıq üfüqü ilə əlaqədar olaraq, FƏTH-in HƏMAS ilə əlaqələri alqışladığını açıqlayaraq əlavə edib:

Biz fikir ayrılıqlarına son qoymaqda və 1967-ci il sərhədlərindəki kimi, paytaxtı Qüds olmaqla müstəqil Fələstin dövlətinin yaradılmasına, fələstinli qaçqınların geri qaytarılmasına və işğalçı ilə münaqişə qaydaları konsepsiyasının hazırlanmasına yönəlmiş milli tərəfdaşlıq yaratmaqda maraqlıyıq.

O, bəzi ərəb ölkələrinin sionist rejimlə əlaqələrinin normallaşması və Ramullahın mövqeyi ilə bağlı deyib: Fələstin məsələsi həll olunmamışdan əvvəl onun normallaşmaya getməyəcəyinə dair Səudiyyə Ərəbistanından zəmanətlərimiz var.