“Fəth” koalisiyası: “Mustafa Kazimi İraqı uçuruma aparır”
Eastnews.org-un verdiyi xəbərə görə, İraq hökumətini tənqid edən “Fəth” koalisiyasının nümayəndəsi hökumət vəzifələrini siyasi qruplar arasında düzgün bölmədiyini vurğulayıb.
“Fəth” koalisiyasının İraqdakı nümayəndəsi Həmid Abbas Baş Nazir Mustafa Kazimi hökumətinin fəaliyyətini tənqid edib.
O, bildirib ki, Mustafa Kazimi yeni vəzifələrə əvvəllər ölkəni idarə edə bilməyən insanları seçib və bu doğru deyil:
“Hakimiyyətin vəzifələri siyasi qruplar arasında düzgün bölünməlidir. Hökumətin davranışı və səhv təyinatları İraqı uçuruma aparacaq.
” Qeyd edək ki, bu yaxınlarda Mustafa Kazimi təhlükəsizlik, iqtisadi, inzibati və maliyyə sahələrində dəyişikliklər edib.
