Fəth koalisiyasının rəhbəri Türkiyə ilə sərhədin dərhal bağlanmasını tələb edib

İraqın Fəth koalisiyasının rəhbəri Türkiyə ordusunun Kürdüstan bölgəsinə hücumuna reaksiya verib və Türkiyə ilə sərhədin dərhal bağlanmasını tələb edib.

Fəth koalisiyasının rəhbəri Hadi Əl-Amiri verdiyi açıqlamada Türkiyənin İraqın Kürdüstan bölgəsinə hücumunu şiddətlə pisləyib.

Bu bəyanatda deyilir: Türkiyə hava qüvvələrinin Zaxo şəhərindəki turizm mərkəzlərindən birində mülki şəxslərə qarşı onlarla dinc sakinin şəhid olması və yaralanması ilə nəticələnən hücumunu şiddətlə qınayırıq və qurbanlar arasında uşaqların parçalanmış cəsədləri də var. Bu, Türkiyənin İraqa qarşı ardıcıl təcavüzünün davamıdır.

Bəyanatda, həmçinin bildirilib ki, Türkiyə hava, artilleriya və qurudan hücumlarla İraqa qarşı təcavüzünü davam etdirir.

Bu bəyanatda deyilir: Bu təcavüzkar davranış qarşısında cinayəti qınamaqla kifayətlənmirik. Ölkəni və onun suverenliyini dəstəkləmək və millətin həyatını bu türk hücumlarına qarşı qorumaq üçün milli mövqe nümayiş etdirilməlidir və hökumətdən sərhədi dərhal bağlamağı tələb edirik. Türkiyə ilə sərhədləri bağlayın və türk şirkətlərinin İraqdakı fəaliyyətini dayandırın.

Əl-Amiri əlavə edib: Təcavüzün qarşısını almaq və İraq xalqını bu təcavüzə qarşı dəstəkləmək üçün hökumətin hər hansı bir səhlənkarlığını bu təcavüzdə şəriklik və iştirak hesab edirik.

 Vurğulayırıq ki, kim bu dəhşətli cinayətdə sussa və ya buna məhəl qoymsa, yaxud haqq qazandırmağa çalışsa, təcavüzkarların şərikidir və ölkəsinə, millətinə qarşı bağışlanmaz xəyanət edir.