Fransada iğtişaşlar zamanı dəyən ziyan: 2005-ci ildəkindən…
Publika.az xəbər verir ki, bu barədə “Le Figaro” məlumat yayıb.
İğtişaşların başlamasından bir həftə sonra Fransa maddi nəticələrə yekun vurur. Bəzi siyasətçilər və sahibkarlar dəymiş ziyanın ilkin qiymətləndirilməsini aparırlar. Fransanın “Medef” işəgötürənlər həmkarlar ittifaqının prezidenti Geoffroy Roux de Beziersin sözlərinə görə, şirkətlərə dəyən ziyan 1 milyard avro qiymətləndirilir.
Sığortaçılar alınan ilk 5800 iddia ilə 280 milyon avroluq ilkin layihə hazırlayıblar. Müşahidəçilər bunun hələ başlanğıc olduğunu söyləyirlər. Bəzi şəhərlər var ki, onlar xüsusilə yüksək qiymət ödəyəcəklər. Marseldə kafe, restoran, aptek və hətta qocalar evi də daxil olmaqla 400 müəssisə talan edilib. Yerli sahibkarlara 100 milyon avro zərər dəyib.
Fransa Merlər Assosiasiyasının (AMF) vitse-prezidenti Filip Loran “franceinfo” saytına bildirib ki, bələdiyyələrə dəyən ziyanın dəyəri “bir neçə yüz milyon avrodur”. “Bələdiyyə binaları, ictimai binalar, yollar və mağazaların dağıdılması ilə baş verənləri toplasanız, bir neçə yüz, yəqin ki, 400 milyon avroya qədər pul edəcək”,- deyə bildirilib.
Publika.az
