Fransada milyonlarla insan etirazl edib: Etirazçılarla çevik qüvvə polisi arasında toqquşmalar baş verib

Çərşənbə axşamı Fransada keçirilən kütləvi etirazlarda təxminən 1,28 milyon insan iştirak edib.

Daily Mail-in məlumatına görə, çərşənbə axşamı Fransa çevik qüvvə polisinin müdaxiləsi ilə zorakılığa çevrilən etirazların şahidi olub.

Fransada yüz minlərlə insan pensiya islahatlarına etiraz olaraq küçələrə çıxıb. Qara çərşənbə axşamı Parisdə etirazçılarla çevik qüvvə polisi toqquşub.

Ən şiddətli toqquşmalar Parisin Port Royal metro stansiyası yaxınlığında baş verib, burada yüzlərlə çevik qüvvət polisi gözyaşardıcı qaz və dəyənəklərdən istifadə edib.

Marsel, Nitsa və digər şəhərlərdə də böyük izdiham küçələrə çıxıb, Lion, Nant və Renn də daxil olmaqla digər böyük şəhərlərdə qarşıdurmaların baş verdiyi bildirilir.

Milyonlarla insan prezident Emmanuel Makronun pensiya yaşını 62-dən 64-ə qaldırmağa çalışmasından qəzəblənib.

Dəyişiklik Fransanı bir çox Aİ qonşuları və Böyük Britaniya ilə daha çox uyğunlaşdırır, belə ki, burada pensiya yaşı 66-dır.

Nəticədə Makron 2017-ci ildə vəzifəyə gəldikdən sonra Fransa həmkarlar ittifaqları ilə ən böyük qarşıdurması ilə üzləşir.

Bununla bağlı daxili işlər naziri Cerald Darvinin bildirib ki, ölkə üzrə 11 minə yaxın polis səfərbər olunub və təkcə Parisdə 5 minə yaxın polis var.

Həmçinin, CNN-in məlumatına görə, çərşənbə axşamı Fransada neft emalı zavodları etiraz aksiyası keçirən işçilər tərəfindən bloklanıb.

Kütləvi tətillər minlərlə insanın elektrik enerjisini kəsdi və məktəblər, hava limanları və qatar xidmətlərini dayandırdı, çünki ölkənin ən böyük birliyi olan CGT insanları “Fransanı bloklamağa” çağırıb.

Polisin bildirdiyinə görə, Paris də daxil olmaqla, bütün Fransada keçirilən etirazlarda təxminən 1,28 milyon insan iştirak edib.