General-polkovnik Musəvi: Hava hücumundan müdafiə qüvvələri istənilən təhdidə peşmanedici cavab verir

İran Silahlı Qüvvələrinin Baş Qərargah rəisi ordu generalı Seyid Əbdürrəhim Musəvi ölkənin Hava Hücumundan Müdafiə Qərargahına səfəri zamanı bildirib ki, bu qüvvələr səmanın qorunmasında ön cəbhədə dayanaraq, istənilən səviyyədə təhdidə qarşı qətiyyətlə cavab verməyə qadirdir və düşmənləri öz hərəkətlərinə görə peşman edir.

Musəvi, 12 günlük təcavüzkar müharibənin şəhidlərinə və onların ailələrinə ehtiramını bildirərək, qazilər və yaralılara da təşəkkür edib, hava hücumundan müdafiə qüvvələrinin bütün əsgərlərinə minnətdarlığını çatdırıb.

Baş Qərargah rəisi, müharibənin gedişatı və mövcud döyüş hazırlığı ilə bağlı keçirilən müşavirənin kənarında qeyd edib:

“Hava hücumundan müdafiə sistemi sübut etdi ki, istənilən miqyaslı təhlükə qarşısında dayanmağa və düşməni öz səhv addımlarına görə peşman etməyə qadirdir.”

General-polkovnik Musəvi vurğulayıb ki, “Bu qədər sayda düşmən hava vasitələrinin məhv edilməsi, bu sahədə çalışan igidlərin yüksək peşəkarlığını, iradəsini və cəsarətini göstərir və bu qələbə xalqın tarixi yaddaşında əbədi qalacaq.”