General Qaaninin sionist köçkünlərə tövsiyəsi: Avropadakı evlərinizə qayıdın

General Qaaninin sionist köçkünlərə tövsiyəsi: Avropadakı evlərinizə qayıdın

İslam İnqilabı Keşikçiləri Korpusunun Qüds Qüvvələrinin komandanı deyib: Sionist rejimin həyatı sona çatmaq üzrədir və çox gec olmadan sionist köçkünlərin Avropadakı əsas evlərinə və əvvəllər bu torpaqlara haradan gəliblərsə, oraya qayıtması daha yaxşıdır.”

İslam İnqilabı Keşikçiləri Korpusunun “Qüds” qüvvələrinin komandanı briqada generalı İsmayıl Qaani Məşhəddə cümə namazı xütbələrindən əvvəl, oruc tutanlar və Beynəlxalq Qüds Gününün yürüşçüləri arasında etdiyi çıxışında deyib:

“Qüds günü müsəlmanlar üçün ən gözəl günlərdən biridir və və İmam Xomeyni (r.ə) Qüds gününü bütün müsəlmanların həyatının ən mənəvi günü kimi təyin edib. Mərhum İmam Xomeyni (r.ə) uşaq qatili sionist rejimə müqavimət göstərən kəslərdən idi.”

O, əlavə edib: “İmamın (r.ə) fətva və çıxışlarına müraciət etdikdə görürsən ki, inqilabdan əvvəlki illərdən onun, təkcə Fələstin məzlum xalqının müdafiəsilə bağlı deyil, həm də zəkat və İmamın payının məzlum insanlara kömək məqsədilə xərclənməsi haqda fətvaları var.”

General Qaani qeyd edib:

“İslam İnqilabının qələbəsi zamanı İslamın təməl prinsiplərinin dirçəldilməsinin öndəri olan bu böyük insan Fələstin xalqına dəstək olmaq kimi böyük ideyanı təsis etmiş və inqilabın qələbəsindən sonrakı ilk ildə İran xalqı və bütün İslam xalqları Ümumdünya Qüds Gününü qeyd etməyə dəvət olunmuşdur.”

Onun mesajının bir hissəsində deyilir:

“Mən uzun illərdir ki, qəsbkar İsrailin təhlükəsi barədə xəbərdarlıq edir və bütün dünya müsəlmanlarını və İslam hökumətlərini bu qəsbkarın və onun tərəfdarlarının əllərini kəsmək üçün birləşməyə çağırıram.”

General əlavə edib: “İmam (r.ə) bir yerdə Qüds gününün İslam günü, başqa yerdə Qüds günü Peyğəmbərin (s) günü olduğunu bildiri və buyurur ki,  Qüds günü İslamı dirçəltməli olduğumuz gündür.”

İmam fəaliyyətinə Fələstinin müdafiəsi məsələsindən başlayır, lakin bu baxışı İslam günü və İslamın dirçəlişi və bütün dünya məzlumlarının müdafiəsi günü kimi ümumiləşdirir.

Allaha həmd olsun ki, bu qırx il ərzində böyük İran xalqı, eləcə də İslam xalqları və dünya əhalisi bu günü hər il əvvəlki illərdən daha yaxşı keçirdilər. Hətta pandemiyanın geniş yayıldığı bu günlərdə də onlar sakit oturmadı, bu böyük günü İranın və dünyanın müxtəlif şəhərlərində qeyd etdilər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

4 + 20 =