General: “Vətən müharibəsində Ali Hərbi Məktəbin 10 hərbçisi şəhid olub”
Vətən müharibəsində Ali Hərbi Məktəbin müəllim-zabit, komandir heyəti ilə yanaşı 4-cü kursda təhsil alan kursantları da iştirak edib.
Bunu Heydər Əliyev adına Azərbaycan Ali Hərbi Məktəbinin rəisi, general-mayor Füzuli Salahov deyib.
Onun sözlərinə görə, Vətən müharibəsində iştirak edən məktəbin 600 nəfərə yaxın hərbi qulluqçusundan 10-u şəhid olub, 23 nəfəri isə müxtəlif dərəcəli xəsarətlər alıb: “Şəhid olanlardan 5-i zabit müəllimlər, 5-i isə 4 kursdan müharibəyə göndərilən kiçik leytenantlardır. Şəhid polkovnik Nudirəliyev Zaur İsmayıl oğlu “Vətən Müharibəsi Qəhrəmanı” adına layiq görülüb”.
APA
