Gölbaşıda Roma dövrünə aid edilən skeletlər tapıldı

Türkiyənin Adıyaman şəhərinin Gölbaşı qəsəbəsində 1600 yaşı olduğu təxmin edilən 27 insan skeleti tapılıb.

Publika.az xəbər verir ki, tədqiqatçılar skeletlərin aşkar olunduğu qaya məzarların Roma dövrünə aid olduğunu ehtimal edirlər. Qaya məzarlarda həmçinin 3 ədəd “gözyaşı şüşələri”nin də tapıldığı bildirilib.

Qədim Yaxın Şərqdə geniş yayılmış “Gözyaşı şüşələri”nim mahiyyəti ondan ibarətdir ki, ölüsünə yas tutanlar kiçik şüşə qabları göz yaşı ilə doldurub məhəbbət və hörmət rəmzi kimi məzarlara qoyurdular.

(azərtac)