Goranboyda minik maşını traktorla toqquşub, ölən var

Goranboyda ölümlə nəticələn ağır yol qəzası baş verib.

APA TV-nin yerli bürosunun verdiyi məlumata görə, hadisə Naftalan-Goranboy yolunun Qızılhacılı qəsəbəsindən keçən hissəsində qeydə alınıb. Hərəkətdə olan “VAZ” markalı minik avtomobili və “Belarus” markalı traktor toqquşub.

Qəza zamanı “VAZ” markalı maşının sürücüsü 1958-ci il təvəllüdlü Məmmədov Məşdi Sabir oğlu hadisə yerində ölüb. Əraziyə cəlb olunan FHN-in Dövlət Yanğından Mühafizə Xidmətinin müvafiq xilasetmə qüvvələri sıxılmış vəziyyətdə qalan meyiti deformasiyaya uğrayan minik avtomobilindən çıxararaq aidiyyəti üzrə təhvil veriblər.

Faktla bağlı araşdırma aparılır

Apa.az