Goranboyda Türkiyə vətəndaşları dəm qazından ölüb, 1 nəfərin vəziyyəti ağırdır

Goranboy rayonunda 3 nəfər dəm qazından zəhərlənib.

Hadisə Qarasüleymanlı qəsəbəsində qeydə alınıb.

Belə ki, Türkiyə vətəndaşları – 1967-ci il təvəllüdlü Cavid Özoğul və 1971-ci il təvəllüdlü Mustafa Zəngin dəm qazından zəhərlənərək ölüblər. Onların rayona qonaq gəldiyi bildirilir.

Hadisə zamanı həmçinin 1981-ci il təvəllüdlü Nüsrət Yolçuyev də dəm qazından zəhərlənib. O, xəstəxanaya yerləşdirilib, vəziyyəti ağırdır.

Faktla bağlı araşdırmalara başlanılıb.

Trend