Həmas ABŞ-ın sionistlər yaşayan şəhərciklərlə bağlı qərarını qınadı

Sizinyol xarici mediaya istinadən xəbər verir:

Həmas hərəkatı verdiyi açıqlamada ABŞ-ın işğal altındakı Sionist yaşayış yerlərində istehsal olunan məhsulları “İsrail məhsulları” elan etməsini beynəlxalq qanunların açıq şəkildə pozulması kimi xarakterizə etdi.

Fələstin İslami Müqavimət Hərəkatı (Həmas) ABŞ-ın Qərb Sahilindəki sionist məskunlaşma məntəqələri ilə bağlı son qərarını beynəlxalq hüquqa zidd hesab etdi.

HƏMAS şənbə günü bu qərarı qınayan bir açıqlama verdi: “Bu qərar millətə qarşı təhlükəli bir düşmənçilik və beynəlxalq hüququ açıq şəkildə pozmaq və işğalçı hökumətə qalan Fələstin torpaqlarını öz ərazisinə ilhaq etmək üçün yaşıl işıq yandırmaqdır.”

HƏMAS ABŞ-ı Tramp administrasiyasının sionistlərə xidmət etmək və fələstinlilərin hüquqlarını pozmaq üçün verdiyi bütün qanunsuz və ədalətsiz qərarları ləğv etməyə çağırdı.

2334 saylı qətnamə də a daxil olmaqla Təhlükəsizlik Şurasının qərarlarında, İordan çayının Qərb Sahili Fələstin ərazisi kimi tanınıb. Həmçinin, qətnamə bölgədə şəhərsalma işləri və ya hər hansı bir istehsalı və onun satışını qadağan edir.