Həmas lideri: Sionist rejimin Fələstin xalqının iradəsi qarşı hiylələri darmadağın olacaq
Həmas liderlərindən biri sionist düşmənin Fələstin xalqının sabitlik və iradəsinə qarşı bütün fitnələrinin heç bir yerə aparmayacağını vurğulayıb.
Sizinyolun xarici medialara istinadən verdiyi məlumata əsasən, Xəlil Əl Həyyə bu gün (29 mart) Fitr bayramı münasibəti ilə çıxışında Fələstin xalqını bu mübarək bayram münasibətilə təbrik edərək deyib: Biz Qəzzanın nələrdən keçdiyini və hazırda hansı şəraitdə olduğunu, işğalçıların davamlı cinayətlərindən, mühasirədən, aclıqdan, su, yemək və dərmansızlıqdan tutmuş qətl, terror, dağıntılar və hər yerdə xaos yaratmaq cəhdlərinə qədər millətimizin hansı ağrı və iztirablara dözdüyünü çox gözəl anlayırıq. Lakin biz bu səbat, bu iradə və düşmənlərin bütün sui-qəsd və planlarını darmadağın edən bu Fələstin qayasının da şahidi olmaqda davam edirik. Bu böyük xalqın dərin şüur və anlayışı Allahın köməyi ilə onların işğalı, aldadılması, zülmü, terroru ilə üzləşmək qabiliyyətinə malikdir.
