Həmas: Müqavimət qüvvələrinin potensiallarını yüksəltməyə davam edəcəyik
Həmas siyasi bürosunun rəhbəri Fələstin müqavimət qüvvələrinin mühasirəyə alınmasına baxmayaraq, onların imkanlarının davamlı olaraq artırılmasını vurğulayıb.
Sizinyolun xarici medialara istinadən verdiyi məlumata əsasən, Xəlil əl-Həyyə bu gün (26 mart) bir müsahibədə deyib: Biz vədlər verən və vədlərinə sadiq qalan şəhid İsmayıl Həniyə və şəhid Seyid Həsən Nəsrullah kimi böyük liderləri itirdik. Əl Əqsa Tufanı əməliyyatının komandanı şəhid Yəhya Sinvar və şəhid Saleh Əl-Arurini də itirdik. Biz İmam Xomeyni (r.ə) və bu yolun rəhbəri Seyid Əli Xameneinin təşəbbüsü ilə Beynəlxalq Qüds Günü ərəfəsindəyik. Biz də şəhid İbrahim Rəisinin xatirəsini və adını ehtiramla yad edirik.
Əl-Həyyə əlavə edib: Müqavimət millətin strateji düşməni kimi işğalçıların əsl simasını ifşa etməkdə qalib gəldi. Zaman geri dönmür və müqavimət mühasirəyə baxmayaraq gücünü artırmağa davam edir. Biz bu variantdan geri çəkilməyəcəyik. Bu yolda qələbə və ya şəhidlikdən başqa heç nə ilə qarşılaşmayacağıq.
