Həmas: Netanyahunun məhbuslar üçün timsah kimi göz yaşları tökməsi onların qətlinə görə məsuliyyətdən yayınmaq cəhdidir
Həmas Netanyahunun İsrailə tabutlarla dönən əsirləri üçün narahatlığını timsahın göz yaşlarına bənzədib.
Sizinyolun xarici medialara istinadən verdiyi məlumata əsasən, Həmas hərəkatı bu gün (20 fevral) yaydığı bəyanatda bildirib ki, Qəssam Briqadaları və digər müqavimət qrupları əsir cənazələrinin təhvil verilməsi mərasimi zamanı mərhumun ləyaqətini və onların ailələrinin hisslərini nəzərə alıb, Netanyahu isə bu insanların həyatı ilə heç maraqlanmayıb.
Həmasın bəyanatında deyilir: Biz bu əsirlərin həyatlarının təhlükədə olmaması üçün əlimizdən gələni etdik və onlarla insani rəftar etdik, lakin işğalçı ordu öz əsirlərinə belə rəhm etmədi.
Məlumata görə, Netanyahu bu gün İsrailə tabutlarda dönən əsirlərinə ehtiramını bildirib. Amma Həmas Netanyahunun bu narahatlığını israillilərə qarşı məsuliyyətindən yayınmaq üçün rola girdiyini və timsah göz yaşları axıtdığı kimi dəyərləndirib.
Bəyanatda həmçinin deyilir: Biz Babbas və Liuts ailələrinə deyirik: Biz övladlarınızın sağ-salamat yanınıza qayıtmasını istərdik, lakin ordu komandirləri və rəhbərləri əsirləri geri qaytarmaq əvəzinə onları öldürməyi üstün tutdular.
