Həmas Ramallah və Beyra sakinlərini Qəzzada soyqırım əleyhinə nümayiş keçirməyə çağırıb

Həmas sionist düşmənin Qəzzə xalqına qarşı soyqırım müharibəsi və qətliamının yenidən başlamasına etiraz olaraq Ramallah və Beyra əyalətlərində fələstinliləri geniş nümayişlərdə iştirak etməyə dəvət edib.

Sizinyolun xarici KİV-lərə istinadən verdiyi məlumata görə, Həmasın bugünkü (21 mart) bəyanatında deyilir: Biz hamımız birlikdə Qəzzanın tək olmadığını yüksək səslə bəyan edəcək, sionist düşmənin müharibəsi və təcavüzü ilə mübarizədə birləşəcəyik.

Xatırladaq ki, İsrail ordusu indiyədək 710 Fələstin vətəndaşının şəhid olması və 900 nəfərin yaralanması ilə nəticələnən atəşkəsin şərtlərini pozaraq, çərşənbə axşamı səhər Qəzza zolağına qarşı hərbi təcavüzünü bərpa edib. İsrailin yenidən təcavüzü qlobal qınaq dalğası ilə qarşılanıb.

Qəzzə zolağına edilən bu hücumlar işğal olunmuş ərazilərdə də etirazlara səbəb olub. Hiddətli sionistlər dünən işğal olunmuş Qüdsdə baş nazir Netanyahunun siyasətlərinə etiraz olaraq nümayiş keçirib və Qəzza zolağında qalan sionist məhbusların azad edilməsi üçün Həmas hərəkatı ilə razılaşma tələb ediblər.