Həmas və Hizbullaha dəstək verdiyi üçün amerikalı həkim işdən qovuldu
ABŞ-ın Nyu-York şəhərində yerləşən Mount Sinai xəstəxanasında işləyən həkim Həmas və Hizbullaha dəstək verdiyi üçün işindən qovulub.
Sizinyolun xarici medialara istinadən verdiyi məlumata əsasən, dünən (29 mart) New York Post qəzeti xəstəxananın sözçüsünə istinadən xəbər verib ki, doktor Leyla Abbasi sosial mediada müqavimət qruplarına dəstək mesajları yerləşdirdiyi üçün bu ayın əvvəlində (martda) işdən qovulub.
46 yaşlı Leyla Abbasi bu mesajlarda “Yaşasın Həmas və Hizbullah” yazıb. O, həmçinin İsrail ordusunu “taun” adlandırıb və rejimi “uşaqları öldürməkdə” ittiham edib.
Xatırladaq ki, ABŞ prezidenti Donald Tramp ABŞ-da Fələstin tərəfdarı olan əcnəbi etirazçıları Həması dəstəkləməkdə, antisemitizmdə və ABŞ-ın xarici siyasətinə maneələr yaratmaqda ittiham edib və onların deportasiyasına çağırıb.
