Həmas: Vasitəçilərin təklifi ilə razılaşdıq və Netanyahunun mane olmayacağına ümid edirik
Fələstin İslami Müqavimət Hərəkatının Qəzzadakı “Həmas” rəhbəri Misir və Qətər vasitəçilərindən əsir mübadiləsi və atəşkəslə bağlı danışıqlara dair təklif almasına toxunaraq, müsbət qarşılıqlı əlaqədə olduqlarını və bununla razılaşdıqlarını vurğulayıb.
Sizinyolun xarici medialara istinadən verdiyi məlumata əsasən, Xəlil Əl Həyyə bu gün (30 mart) Ramazan bayramı münasibətilə televiziya ilə çıxışında işğalçı rejimin vasitəçilərin təklifinin həyata keçirilməsinə mane olmayacağına ümid etdiyini bildirib.
Xəlil Əl Həyyə deyib: İşğalçı ordu Benyamin Netanyahunun kriminal kabinetini xilas etmək üçün işi ləngidir və razılaşmanın tələblərindən yayınmağa davam edir. Netanyahu həmçinin bir il ərzində razılaşmadan yayınaraq, vasitəçilərin atəşkəs razılaşmasına nail olmaq üçün göstərdiyi bütün səyləri puça çıxarıb.
