Həniyyənin region liderlərinə mesajı və sionistlərin sui-qəsd siyasətinə dair xəbərdarlıq

HƏMAS-ın siyasi bürosunun rəhbəri bir mesajında sionist rejimin terror siyasətini bərpa etməsi ilə bağlı region liderlərinə xəbərdarlıq edib.

HƏMAS-ın siyasi bürosunun rəhbəri İsmayıl Həniyyə sionist rejimi Fələstin müqavimətinin liderlərinə qarşı terror siyasətini bərpa etməkdən və bu hərəkətin nəticələrindən xəbərdar edib.

Şahabın verdiyi məlumata görə, Haniyənin media üzrə müşaviri Tahir Ən-Nunu, Haniyənin bölgənin bir çox liderlərinə və ölkələrinə açıq mesajlar göndərdiyini və bununla bağlı xəbərdarlıq etdiyini bildirib.

Həniyyə bu mesajlarda yazıb: “Bizimlə birlikdə işğalçı rejimin bəyanatları və HƏMAS liderlərinin öldürülməsi ilə bağlı tonunun şiddətlənməsini izləyin. Sionistlərin siyahısında Yəhya Əs-Sənvar, Saleh Əl-Əruri ,Məhəmməd Zeyf , Zahir Cabarin və  başqaları var.

Məlumata görə, HƏMAS-ın siyasi bürosunun rəhbəri daha sonra bu addıma geniş reaksiyalar, eləcə də genişmiqyaslı qarşıdurma ehtimalı barədə xəbərdarlıq edib və bildirib ki, sionist düşmən gözlənilməz bir bədəl ödəyəcək.

Tahir Ən-Nunu əlavə edib: “Həniyyə ölkələri sionist düşmənə mesaj göndərməyə və bu cür təhdidlərin həyata keçirilməsinin nəticələri barədə liderlərini xəbərdar etməyə çağırıb.”

Sonda Həniyyə HƏMAS-ın Ərəb-İslam Əlaqələri və Beynəlxalq Əlaqələr İdarəsinin rəsmilərinə bu mesajı ərəb və islam ölkələri və beynəlxalq ictimaiyyətə çatdırmağı tapşırıb.