Hərbi təzyiq israilli məhbusların azad edilməsinə səbəb olmayacaq
İsrail parlamentinin tədqiqatçısı Qəzza zolağına qarşı müharibənin nəticələri barədə xəbərdarlıq edərək, hərbi təzyiqlərin sionist məhbusların azad edilməsinə səbəb olmayacağını və müharibənin yenidən başlamasının məqsədinin baş nazir Benyamin Netanyahunu hakimiyyətdə saxlamaq olduğunu vurğulayıb.
Sizinyolun xarici KİV-lərə istinadən verdiyi məlumata görə, Knessetin keçmiş üzvü Ofer Şalih bu gün (20 mart) Qəzzəyə qarşı müharibənin davam etdirilməsinin sionist kütlələrin və ordunun strukturuna fəlakətli ziyan vuracağını deyib.
Ofer Şalih deyib: Təkcə hərbi təzyiqin Qəzza zolağında (sionist) məhbusların azad edilməsinə səbəb olacağı iddiası məntiqə uyğun deyil; Biz azadlığa buraxılan məhbusların əsirlikdəki şəraitlə bağlı sözlərini eşitmişik. Biz yaxşı bilirik ki, onlardan bəziləri İsrail hərbi əməliyyatları nəticəsində həyatını itirib.
Ofer Şalih əlavə edib: İsrailin kütləvi strukturu arasında bu müharibənin yeganə məqsədinin Netanyahu kabinetinin hakimiyyətdə qalması məsələsi ilə bağlı böyük narahatlıq var. Ordu təhlükəli insan resursları böhranı ilə üz-üzədir və ordu və ehtiyat qüvvələrin motivasiyası da azalıb. Müharibə məqsədsiz davam edərsə, İsrail ordusunun strukturuna və ordu qüvvələrinə ziyan dəyəcək.
