Haaretz: Həmas istənilən böhranda dərhal özünü bərpa edir

Sionist “Haaretz” qəzeti HƏMAS-ın hər hansı bir şəraitdə öz potensiallarını tezliklə bərpa etdiyini və Qəzzənin müxtəlif bölgələrində güclü imicinə sahib olduğunu sübuta yetirməsi barədə məqalə dərc edib.

İRNA-nın məlumatına əsasən, Haaretz qəzeti bugünkü (15 may) sayında yazıb: İsrailin son əməliyyatı ordunun Həmas infrastrukturu ilə bağlı proqnozunun doğru olmadığını sübut etdi.

Adının çəkilməsini istəməyən yüksək rütbəli sionist zabit Haaretz-ə deyib ki, HƏMAS son vaxtlar döyüş taktikasını dəyişib və qruplaşma daha çox binaları bombalamağa fokuslanıb.

Bu məlumata görə, “İsrail ordusunun əsgərlərinin əksəriyyəti Cəbəliyyə əməliyyatının faydasız olduğuna inanır”.

Cəbəliyyə Qəzza zolağında və Şimali Qəzza zolağında, şəhərdən 4 kilometr şimalda yerləşir.

Qeyd edək ki, sionistlər dünən, çərşənbə axşamı Fələstin müqavimətinin şiddətli hücumları sayəsində Qəzzada çətin gün keçirib. Bununla əlaqədar olaraq, İzəddin əl-Qəssam batalyonları Qəzza zolağının şimalında Cəbəliyə düşərgəsinin şərqində keçirdiyi 2 əməliyyatda işğalçıların Merkava tankını məhv edib.

Əl-Qəssam döyüşçüləri də sıfır məsafədən sionist rejimin yeddi əsgərini hədəfə alıblar.

Bu müqavimət qrupu əməliyyatda Qəzza zolağının şimalındakı Cəbəliyə düşərgəsinin şərqində “Yasin 105” raketi ilə işğala məxsus “Merakawa 4” tankını da hədəfə alıb, nəticədə işğalçıları həlak olub və yaralanıb.