Haaretz: İlin əvvəlindən Qəzzada 62 İsrail əsgəri öldürülüb

İsrailin “Haaretz” qəzeti ilin əvvəlindən Qəzza zolağında 62 İsrail əsgərinin öldürüldüyünü və baş nazir Binyamin Netanyahunun ölən əsgərlərin heç bir ailəsinə baş çəkmədiyini yazıb.

İsrailin aparıcı qəzetlərindən biri olan YDH – Haaretz bu ilin əvvəlindən Qəzza zolağında 62 İsrail əsgərinin öldürüldüyünü açıqlayıb .

Qəzet həmçinin vurğulayıb ki, baş nazir Benyamin Netanyahunun öldürülən hərbçilərin heç birinə baş çəkmədiyi bildirilib.

İsrail mətbuatında yer alan digər xəbərlərdə Qəzza zolağının şimalında İsrail ordusu ilə əməkdaşlıq edən bir israilli podratçının öldürüldüyü bildirilir.

Fələstin müqaviməti tərəfindən kompleks pusqu

Fələstin müqavimət hərəkatı bazar ertəsi axşam Qəzza zolağının şimalındakı Beyt Hanun qəsəbəsində təşkil etdiyi mürəkkəb pusquda onlarla İsrail əsgərini öldürdüyünü və yaraladığını açıqlayıb.

Yaralıların əksəriyyətinin vəziyyətinin ağır olduğu bildirilib.

Qəzzanın şimalında baş verən bu təhlükəsizlik hadisəsi “çox təhlükəli” və “2023-cü il oktyabrın 7-dən bu yana baş verən ən mürəkkəb insidentlərdən biri” olaraq xarakterizə edilib.

Ordu itkiləri təsdiqləyib

İlkin məlumatın İsrail mediası tərəfindən paylaşılmasından sonra İsrail ordusu da açıqlama verərək itkilərini etiraf edib.

Ordu Qəzzanın şimalında toqquşmalar zamanı partlayıcı qurğunun işə salınması nəticəsində Netsah Yehuda Briqadasının beş əsgərinin həlak olduğunu, ikisinin isə ağır yaralandığını etiraf edib.

Lakin sonradan İsrail mətbuatında yayılan xəbərlərdə hadisə nəticəsində yaralananların sayının 14-ə çatdığı məlum olub.

Bu əsgərlərdən ikisinin ağır, altısının orta, altısının isə yüngül yaralandığı bildirilib.

ydh