Hacızadə: İranda demək olar ki, raket bazası olmayan şəhər yoxdur

İran Hərbi Hava Qüvvələrinin komandanı general Hacızadə ölkədə yüzlərlə yeraltı raket bazası olduğunu və bu bazaların hətta ən son radar texnologiyalarına meydan oxuduğunu açıqlayıb.

İran Hərbi Hava Qüvvələri komandanı general Əmir Əli Hacızadə ölkəsinin gizli raket bazaları ilə bağlı diqqətçəkən açıqlamalar verib.

Komandirin açıqlamalarına görə, İranın ölkə daxilində yüzlərlə yeraltı raket bazası var və bu bazalar ən qabaqcıl casus radarlarını belə aldatmağa qadirdir.

Hacızadə açıqlamasında deyib: “İranda demək olar ki, elə bir şəhər yoxdur ki, orada raket bazası olmasın. “Bizim bazalarımız yerin 500 metr altındadır və o qədər çoxdur ki, aşkarlansa belə, düşmənlər bu qədər bazanı zərərsizləşdirə bilmir.

Bundan əlavə, Hacızadə bildirib ki, İranın raket bazaları düşmənin ancaq görə biləcəyi “aysberqin görünən hissəsidir”.

General həmçinin vurğulayıb ki, İranın raket şəhərləri müasir radar texnologiyalarından yan keçməklə öz məxfiliyini qoruyur.