Hakan Fidan Qəzzadakı vəziyyətlə bağlı xəbərdarlıq edib
Türkiyənin xarici işlər naziri Hakan Fidan Qəzzadakı vəziyyətlə bağlı xəbərdarlıq edib.
O, bu barədə “Sky News Arabia” telekanalına müsahibəsində deyib.
Nazir bildirib ki, Fələstin məsələsinin çözümü üçün ikidövlətli həlli yolu tapılmalıdır:
“Əks halda, dördüncü Qəzza müharibəsi başlayacaq və biz müntəzəm qaydada müharibələrlə məşğul olmalı olacağıq”.
H. Fidan həmçinin əlavə edib ki, ikidövlətli həllə bağlı razılıq əldə olunarsa, Türkiyə bu prosesdə zamin kimi çıxış edə bilər.
