Halevi: 15 batalyon hərbi qüvvə çatışmazlığı var

Sionist rejimin baş qərargah rəisi Haredimin (dini ortodoks) hərbi xidmətdən azad edilməsi haqqında qanunun təsdiqinə cavab olaraq, bu rejim ordusunda 15 batalyon çatışmazlığının olduğunu açıqlayıb.

İRNA-nın sionist televiziyasının 12-ci kanalına istinadən verdiyi xəbərə görə, sionist ordunun baş qərargah rəisi Herzi Halevi Knessetin təsdiqlədiyi Heridiləri hərbi xidmətdən azad edən qanunun təsdiqinə reaksiya verib.

Bu xəbərə əsasən, Halevi sionist rejimin siyasi rəhbərlərinə deyib: Ordunun çoxsaylı cəbhələrdə missiyaları yerinə yetirə bilməsi üçün 4500 əsgərdən ibarət diviziya böyüklüyündə 15 yeni batalyon lazımdır.

Halevi deyib: Qoşun çatışmazlığı təkcə müharibənin nəticəsi deyil, həm də ordunun əlavə tapşırıqlarını yerinə yetirmək üçün qoşunların sayının artırılması zərurəti ilə bağlıdır. Hazırda beş batalyonun yaradılması yolu ilə problemin müvəqqəti həlli istiqamətində səylər göstərilir.

O, etiraf edib ki, orduda hərbi qüvvələrin böhranı çox baha başa gəlir, ona görə də müharibə başlayandan bəri ehtiyat qüvvələrin cəlb edilməsinə 14 milyard dollardan çox vəsait xərclənib.