Hebronda bir fələstinli qadın şəhid edilib və bir sionist əsgər yaralanıb-Video

Fələstin mənbələri gənc fələstinli qadının İbrahimi hərəmi yaxınlığında sionist hərbçilər tərəfindən güllələnərək öldürüldüyünü bildirib.

Xəbər mənbələri Hebrondakı İbrahimi məqbərəsi yaxınlığında fələstinli mülki əhali ilə işğalçı qüvvələr arasında toqquşmaların olduğunu bildirir.

Şahab xəbər agentliyinin verdiyi məlumata görə, bu bazar günü axşam saatlarında Heronda yerləşən İbrahimi hərəmi yaxınlığında sionist yaraqlılar tərəfindən gənc fələstinli qadın güllələnib.

Sionist media da fələstinli qadının sionist sərhədçi zabitini bıçaqladığını iddia edib.

Fələstin xəbər mənbələri sionist qoşunlarının Əl-Xəlilin Əş-Şühəda prospektində geniş miqyasda yerləşdirilməsinin videosunu da yayıb.

Fələstin Səhiyyə Nazirliyi bu gün günorta saatlarında Beyti-Ləhmdən olan “Ğadə İbrahiməli Əl-Əridi” adlı fələstinli qadının Beyti-Ləhmin qərbindəki Husan kəndində işğalçı rejim qüvvələrinin açdığı atəş nəticəsində şəhid olduğunu açıqlayıb.

Altı uşaq anası olan 47 yaşlı Ğadə İbrahiməli Husan kəndinin şərq girişindəki Əl-Mətinə bölgəsində sionist silahlılar tərəfindən güllələnib.

Digər tərəfdən, İslami Cihad hərəkatı sionist hərbçilərin bu fələstinli xanımı şəhid etmək cəhdini pisləyib və vurğulayıb ki, işğalçı rejim və onun cinayətkar liderləri bu cinayətin nəticələrinə görə tam məsuliyyət daşıyırlar və fələstinli döyüşçülər və qəhrəmanlar heç vaxt bu cinayət qarşısında səssiz qalmayacaqlar.

Hərəkat vurğulayıb ki, sionist rejim təcavüzünü davam etdirməklə və Fələstin vətəndaşlarını, xüsusilə də qadınları hədəfə almaqla, minimum insani və əxlaqi dəyərlərə malik olmadığını sübut edib.

İslami Cihad da öz bəyanatında Fələstin xalqının birliyi və işğalçı rejimlə qarşıdurmanın zəruriliyini vurğulayaraq əlavə edib: Bu vəhşi cinayət qarşısında beynəlxalq və regional sükut sionist terrorçu qüvvələrin mülki şəxsləri hədəfə alması üçün açıq dəstək və təşviqidir.