Hebronda fələstinli gənc sionistlər tərəfindən şəhid edilib

Sionist əsgərlər Hebronun cənubunda bir fələstinli gəncə atəş açaraq qətlə yetiriblər.

Hebronun cənubundakı “Əs-Səmua” qəsəbəsi yaxınlığında sionist hərbçilər tərəfindən vurulan fələstinli gənc şəhid olub.

Təhlükəsizlik mənbələri bildiriblər ki, sionist əsgərlər bu gənc fələstinliyə canlı güllələr ataraq, xilasetmə qrupları və vətəndaşların həmin yerə çatmasının qarşısını alıblar.

Fələstinin “Səma” saytının xəbərinə görə, sionist mənbələr bu fələstinli gəncin soyuq silahlarla intihar əməliyyatı həyata keçirmək niyyətində olduğunu iddia ediblər.

Digər tərəfdən, çərşənbə axşamı günü axşam saatlarında sionistlərin işğal olunmuş Qüdsün şərqində yerləşən Məaliyyə Ədumim qəsəbəsində keçirilən şəhadət əməliyyatında 5 sakin yaralanıb, onlardan birinin vəziyyətinin ağır olduğu bildirilir və əməliyyatın icraçısı da sionist qüvvələr tərəfindən şəhid edilib.