HƏMAS: Qəzzanın blokadası İsrailin dəyərlərdən məhrum olduğuna işarədir

 Fələstin İslami Müqavimət Hərəkatı humanitar yardımların Qəzzaya daxil olmasına mane olmanın İsrailin bütün insani dəyərlərdən məhrumluğunun göstəricisi kimi dəyərləndirib.

Sizinyolun xarucu KİV-lərə istinadən verdiyi məlumata görə, Həmas bu gün (17 mart) bəyanat yayaraq elan edib: Qəzzə zolağının mühasirəsinin gücləndirilməsi və əsas həyati ehtiyacların ölkəyə girişinin qarşısının alınması sionist rejimin bütün bəşəri dəyərlərdən məhrum olduğunu nümayiş etdirir. Mühasirənin sərtləşdirilməsi genişmiqyaslı soyqırımı və açıq-aşkar müharibə cinayətidir və Qəzzada iki milyondan çox insanı xilas etmək üçün tədbirlər görülməlidir.

Bəyanatda həmçinin deyilir: ABŞ atəş dairəsini genişləndirmək əvəzinə sionist rejimi atəşkəs razılaşmasını yerinə yetirməyə məcbur etməlidir. İsrail rejiminə təzyiq göstərmək və onun razılaşmanın şərtlərindən yayınmasının qarşısını almaq məhbusların həyatını xilas etmək və onların ailələrinə qaytarılmasını təmin etmək üçün yeganə yoldur.