Hindistan Hərbi Hava Qüvvələrinə məxsus iki təyyarə qəzaya uğrayıb
Hindistan Hərbi Hava Qüvvələrinə məxsus iki təyyarə Madhya-Pradeş ştatında qəzaya uğrayıb.
“Report” xəbər verir ki, bu barədə NDTV telekanalı məlumat yayıb.
Bildirilib ki, Hindistan Hərbi Hava Qüvvələrinin Qvaliordakı hərbi bazasından havaya qalxan “Su-30” və “Mirage 2000” qırıcıları təlim uçuşları zamanı qəzaya uğrayıb. Pilotların taleyi bəlli deyil.
Hadisə ilə bağlı hələ rəsmi məlumat verilməyib.
Report.az
