Hindistan Rusiyadan aldığı S-400 sistemlərini Pakistanla sərhəd bölgəsində yerləşdirib
Hindistan S-400 havadan müdafiə sistemlərini Pəncab əyalətində yerləşdirib.
SalamNews xəbər verir ki, bu barədə Hindistanın ANİ xəbər agentliyi məlumat yayıb.
Bildirilib ki, bazar ertəsi günü Rusiyanın S-400 hava hücumundan müdafiə raket sistemləri Pakistanla həmsərhəd olan Pəncab əyalətinin qərbində yerləşdirib.
Agentlik məlumatlı mənbəyə istinadən yazıb:
“İlk S-400 batareyası Pəncab bölgəsində yerləşdirilib. Bu havadan müdafiə sistemləri Pakistan və Çindən gələn hava təhdidlərini dəf etmək gücündədir”.
Bu ayın əvvəlində Hindistan xarici işlər nazirinin müavini Harş Şrinqla bildirmişdi ki, Rusiya onun ölkəsinə S-400 sistemlərini tədarük etməyə başlayıb.
Prezident Vladimir Putinin 2018-ci ilin oktyabrında Hindistana səfəri zamanı bu ölkəyə dəyəri 5,43 milyard dollar olan 5 ədəd S-400 sistemlərinin tədarükü üçün müqavilə imzalanıb.
SalamNews.org
