Hizbullah: ABŞ sanksiyaları əslində heç nəyi dəyişməyəcək

Sizinyol xarici mediaya istinadən xəbər verir:

Livan Hizbullah baş katibinin müavini, ABŞ-ın sanksiyaları tətbiq edərək Livanı siyasətini dəyişdirməyə məcbur etmək niyyətində olduğunu, lakin Livan xalqının ABŞ-ın tələbini qəbul etmədiyini söylədi.

Livandakı Hizbullah Baş katibinin müavini Şeyx Nəim Qasim ABŞ hökumətinin Livana qarşı tətbiq etdiyi sanksiyalardan bəhs edərək ABŞ-ın hərəkətini Livana qarşı “açıq təcavüz” olaraq xarakterizə etdi.

RT kanalına verdiyi müsahibədə ABŞ-ın Hizbullahla əlaqəsi olduğu bəhanəsiylə Livanlı şəxslərə və təşkilatlara, xüsusən də keçən həftə bir neçə Livan nazirinə qarşı tətbiq etdiyi sanksiyalara cavab olaraq dedi: “Sanksiyalar, torpaqlarının azadlığını istəyən Livan xalqının mövqeyini dəyişdirməyəcək və ABŞ-ın Livana tətbiq etdiyi siyasətini əsla qəbul etməyəcək. ABŞ sanksiyaları əslində heç nəyi dəyişməyəcək və əksinə, müqaviməti daha da artıracaq.”