Hizbullah işğal olunmuş ərazilərə 10-dan çox raketi atıb

Livan Hizbullahının bu gün axşam (çərşənbə günü) sionist rejimin bazalarına şiddətli hücumlarından sonra media mənbələri Livan torpaqlarından işğal olunmuş ərazilərə 10-dan çox raket atıldığını bildiriblər.

İRNA-nın çərşənbə günü verdiyi xəbərə görə, sionist rejimin mediası Livandan sionist rejimin Qərbi Qaliley bölgəsindəki mövqelərinə doğru 10-dan çox raket atıldığını bildirib.

Livan İslami Müqaviməti bəyanatda belə elan edib: “Biz “Avivim” koloniyasındakı düşmən əsgərlərinin mövqeyini müvafiq silahlarla hədəfə aldıq və onlardan bir neçəsini öldürdük və yaraladıq.

Hizbullah başqa bir bəyanatda elan etdi: İsrailin mülki kəndlərə və evlərə hücumlarına, xüsusən də Məcdəl məntəqəsində mülki şəxslərə hücumuna cavab olaraq mücahidlərimiz Metsava qəsəbəsini Katyuşa raketləri ilə hədəfə aldılar.

Bu gün günortadan sonra media mənbələri Livan Hizbullahının sionist ordusunun mövqelərini, dörd baza və bir sionist qəsəbəni hədəf aldığını elan ediblər.

İRNA-nın məlumatına görə, Livan Hizbullahı ötən bir neçə ayda sionist rejimin Qəzza zolağında törətdiyi dəhşətli cinayətlər və bu bölgədə fələstinlilərin soyqırımından sonra bu rejimin işğal olunmuş ərazilərin şimalındakı hərbi mövqelərini hədəfə alıb.

İndiyədək on minlərlə sionist müqavimət hücumlarından qorxaraq Livan sərhədləri yaxınlığındakı yaşayış məntəqələrini tərk edib.

Sionist rejimin mediası da ötən gün Hizbullahın öz əməliyyatları ilə işğal olunmuş Fələstinin şimalında sionist qəsəbələrinin sakinlərini əsir aldığını elan edib.