Hizbullah: İsrail cinayətlərinə beynəlxalq susqunluq onların qəbul edilməsi deməkdir

 Hizbullah nümayəndəsi sionistlərin Livana təcavüzünün davam etməsi, bu təcavüzlərə qarşı atəşkəsin həyata keçirilməsinə zəmanət verən beynəlxalq tərəflərin susqunluğunu pisləyərək bu mövqenin işğalçılarla şərik olmaq mənasını daşıdığını deyib.

Sizinyolun xarici KİV-lərə istinadən verdiyi məlumata əsasən, Livan parlamentindəki Müqavimətə Sadiqlik fraksiyasının üzvü İbrahim Əl-Musəvi dünənki (31 yanvar) çıxışında sionist rejimin atəşkəs razılaşmasını dəfələrlə pozmasını tənqid edərək deyib: Sionist düşmənin bu təcavüzkarlığı atəşkəs razılaşması və 1701 saylı qətnamənin açıq-aşkar pozulmasıdır və bu məsələ atəşkəs razılaşmasının həyata keçirilməsinin müvafiq tərəfləri və qarantlarından qarşıdurma məsuliyyətini öz üzərinə götürmələrini tələb edir.

İbrahim Əl-Musəvi cümə günü səhər saatlarında işğalçı ordunun Livanın Bəqaa bölgəsinə hücumuna reaksiya olaraq deyib: Atəşkəsin həyata keçirilməsinə zəmanət verən müvafiq beynəlxalq tərəflər tərəfindən ciddi addımlar atılmadan düşmənin təkrar, sistemli və təhlükəli təcavüzləri, biganəlik və ya onların acizliyinin göstəricisidir.