Hizbullah: İsrail təhlükəsizlik xidmətləri fələstinli bir mücahid tərəfindən ağır məğlubiyyətə uğradı

Livan Hizbullahı hərəkatı fələstinli gəncin Tel-Əvivin mərkəzində uğurlu əməliyyatından sonra sionist rejimin təhlükəsizlik xidmətlərinin fələstinli gənc qarşısında ağır məğlubiyyətə uğradığını elan edib.

Livanın Hizbullah hərəkatı bu gün (cümə) Tel-Əvivin mərkəzində keçirilən şəhadət əməliyyatı ilə bağlı bəyanat yayıb.

“Əl-Əhd” xəbər saytının məlumatına görə, Hizbullah bəyan edib: “Fələstin müqaviməti işğalçı rejimlə qarşılaşmaq və onun ardıcıl cinayətlərinə cavab vermək gücünü bir daha sübut etdi.”

Tel-Əvivdəki bu qəhrəmancasına əməliyyat sionist rejimin zəifliyini, acizliyini, hərbi və təhlükəsizlik xidmətlərinin çaşqınlığını üzə çıxardı.” – deyə, bəyanatda qeyd olunub.

Hərəkat əlavə edib: “Bu rejimin təhlükəsizlik xidmətləri fələstinli bir mücahid qarşısında ağır məğlubiyyətə uğradı. Hizbullah Fələstin xalqı və onun müqavimət qruplarının qəhrəmanlığını tərifləyir və dünyanın azad insanlarını Fələstin xalqının yanında olmağa və onlara hər cür dəstək verməyə çağırır.”

Bu bəyanatın yekun hissəsində deyilir: “Xüsusi və uğurlu əməliyyatlar silsiləsi göstərir ki, Fələstin xalqının qərarı mübarizəni davam etdirməkdir. Fələstin xalqının əzmi işğalçıların iradəsindən daha güclüdür. Fələstin xalqı bütün Fələstinin azad edilməsinə qədər bu yolda davam etməkdə qərarlıdır.”

Ötən gecə Fələstin mənbələri Tel-Əvivin ən böyük küçələrindən biri olan Dezenqov küçəsində şəhadət əməliyyatının uğurla həyata keçirildiyini bildirib. Medianın məlumatına görə, əməliyyatda 9 sionist yaralanıb, daha ikisi isə öldürülüb.

Əməliyyatın icraçısı Cənin düşərgəsindən olan “Rəd Fəthi Hazem” adlı 29 yaşlı fələstinli bir neçə saatlıq təqibdən sonra bu səhər sionist hərbçilər tərəfindən güllələnib.

Bu, son bir həftə ərzində işğal olunmuş Fələstində dördüncü şəhidlik əməliyyatıdır. İbrani mənbələri əməliyyatdan sonra İsrail qüvvələrinin hazır vəziyyətə gətirildiyini və bəzi küçələri bağladığını bildirib.