Hizbullah İsrailin strateji dəniz bazasını hədəfə aldı

 Livan Hizbullahı işğal altındakı Fələstinin şimalında sionist rejimin strateji dəniz bazasını hədəf aldığını açıqlayıb.

Livan Hizbullahı yaydığı bəyanatda bildirib: “Müqavimət döyüşçüləri Qəzzə zolağında mətanətli Fələstin xalqına, onun cəsarətli və şərəfli müqavimətinə dəstək, Livan və onun xalqının müdafiəsi istiqamətində, “Xeybər” əməliyyatı çərçivəsində və “Ləbbeyk ya Nəsrullah” nidası ilə bu gün, cümə axşamı saat 16:25-də Hayfanın şimal-qərbindəki “Stila Maris” dəniz bazasını hədəfə alıb.”

Hizbullah bildirib ki, Stila Maris bazası işğal olunmuş Fələstinin şimal sahillərində strateji dəniz monitorinq və nəzarət bazasıdır.