Hizbullah sionist rejiminə hər cür axmaqlıq barədə xəbərdarlıq edir

Livan Hizbullahı işğalçı rejim rəhbərlərinə sionist rejimin təlimlərinin başlaması ilə eyni vaxtda Livana hər hansı hücumun təşkili üçün bu təlimlərdən istifadə etmələri barədə xəbərdarlıq edib.

Əl-Məyadin xəbər şəbəkəsinin internet saytına istinadən verdiyi məlumata görə, İslami Müqavimətin hərbi mediası video paylaşaraq işğalçı rejim liderlərinə xəbərdarlıq mesajı göndərib. Bu da Livan Hizbullahının Baş katibi Seyid Həsən Nəsrullahın döyüş hissələrinin və xüsusi müqavimət birliklərinin ilin əvvəlində hərbi cəhətdən hazır olması əmri ilə hərəkətə keçməyə hazır olduğunu göstərir.

İslami Müqavimətin hərbi mediasının loqosunu daşıyan və ibrani dilinə tərcümə edilən videoda Livana qarşı hər hansı bir axmaqlıq etmək barədə xəbərdarlıq edilib. Həmçinin, videoda ilk dəfə olaraq hissələri qəsdən nümayiş etdirilən gizli raketlər və digər silahlar da nümayiş etdirilib.

Nəsrullah bazar ertəsi sionist rejimin genişmiqyaslı təlimlərə başladığı bir vaxtda müqaviməti tamamilə ayıq-sayıq və hazır olmağa çağırıb. Livan Hizbullahının Baş katibi işğalçılara müraciət edərək deyib: “Biz sizin təlimləriniz və ya varlığınızdan qorxmuruq və inanırıq ki, siz hörümçək yuvasından daha zəifsiniz.”

İşğalçı sionist rejim qüvvələri bazar günü “Od arabaları” adlı böyük təlimə başlayıb. Bu təlim keçən il baş tutmalı idi, lakin “Qüds Qılıncı” döyüşünün başlaması səbəbindən ləğv edilmişdi. Təlimlərin bir ay davam edəcəyi ehtimal olunur.