Hizbullahdan Fransaya: “Saxta söz azadlığı, səmavi dinlərin təhqirinə haqq qazandıra bilməz”

Livanın Hizbullah hərəkatı saxta ifadə azadlığının İslam Peyğəmbəri (s) və səmavi dinləri hədəfə alması üçün səbəb ola bilməyəcəyini qeyd edərək, Fransa rəsmilərini bu dinlərə hörmət etməyə dəvət edib.

Deyerler.org Farsnews-a istinadən xəbər verir ki, Hizbullah tərəfindən verilən bəyanatda, Fransada İslam Peyğəmbərini (s) təhqir edən karikaturaların yayımlanmasına qarşı reaksiya verilib.

“Hizbullah Məhəmməd (s) peyğəmbərə qarşı qəsdən edilən təhqiri kəskin şəkildə qınayır”, – deyə bildirilən açıqlamada, prezident Emmanuel Makronun karikaturaları yayımlamaqdan imtina etməyəcəyinə dair sözlərinə diqqət çəkilərək, Fransa rəsmi orqanlarının Rəhmət peyğəmbərinə (s) qarşı həqarətlərə təşviqedici münasibətinin qəbul edilməyəcəyi vurğulanıb.

İslam dininə və müsəlmanlara qarşı nifrət çıxışlarının bu karikaturalarla geri gətirildiyi bildirilən açıqlamada, belə qeyd olunub: “Fransadakı yayımlar, uzun illər Fransa və digər Avropa ölkələrində yaşayanlar da daxil olmaqla 2 milyarddan çox müsəlmanın hisslərinə təsir edir”.

Hizbullahın açıqlamasında aşağıdakılar qeyd edilib: “Saxta ifadə azadlığı iddiaları adı ilə qəbul edilə bilməz. İslam Peyğəmbərinin (s) və səmavi dinlərin təhqir olunmasına səbəb ola bilməz. Fransa səlahiyyətlilərini dinlərə hörmət etməyə və beynəlxalq səviyyədə gərginliyin daha da artmasının qarşısını almağa öz töhfələrini verməyə dəvət edirik”.

Son iki həftədə Fransa nəşrində alçaldıcı karikaturanın yayımlanması İslam cəmiyyətlərini qəzəbləndirib. Oktyabrın 21-i Emmanuel Makronun ifadə azadlığı bəhanəsi ilə bu hərəkəti dəstəklədiyi sözləri qəzəbi daha da artırıb və Ərdoğan ilə İmran Xan daxil olmaqla bir çox ölkədəki rəsmilər Fransa prezidentinin mövqeyini qınayıb.