Hochstein: Biz Livan və İsrail sərhədlərində böyük müharibənin qarşısını almağa çalışırıq

 Livanın cənubundakı müharibə cəbhəsini sakitləşdirmək məqsədi ilə Beyruta səfər edən ABŞ prezidentinin baş müşaviri bu məsələdə qətiyyətli həllərin əldə olunmasının vacibliyini vurğulayıb.

Əl Aləm telekanalının məlumatına əsasən, ABŞ prezidentinin baş müşaviri Amos Hochstein bu gün (18 iyun) Livan parlamentinin sədri Nəbih Berri ilə görüşdən sonra mətbuat konfransında deyib: Hizbullah və İsrail arasında münaqişə kifayət qədər uzun müddətdir davam edir və bu münaqişəni həll etmək üçün həlledici yollar tapılmalıdır.

Sky News kanalının məlumatına görə, Amos Hochstein deyib: Biz çətin anlardan keçirik və Livan və İsrail arasındakı sərhəd üçün qəti həll yolları tapmalıyıq.

Bəyanatının başqa bir hissəsində Baydenin müşaviri atəşkəs təklifinin vasitəçilər və İsrail tərəfindən qəbul edildiyini və HƏMAS-ın da bunu qəbul etməli olduğunu iddia edib.

Hokşteyn vurğulayıb: Baydenin təklifi Livan və İsrail sərhədlərində vəziyyəti sakitləşdirmək imkanı verir. Atəşkəs və əlaqələrin yumşaldılması livanlıların öz ölkələrinin cənubuna, israillilərin isə şimalına qayıtmasına imkan verəcək.

Hokşteyn vurğulayıb: Bu sərhəd münaqişəsinin davam etməsindən mülki əhali və onların əmlakı zərər çəkəcək və ABŞ Livan və İsrail arasındakı gərgin sərhəddə daha böyük müharibənin qarşısını almağa çalışır.