Honkonqda tankerdə partlayış olub, ölən və yaralananlar var
Honkonqdan 300 km şərqdə neft tankerinin göyərtəsində partlayış olub.
APA-nın “South China Morning Post” qəzetinə istinadən verdiyi xəbərə görə, Panama bayrağı altında üzən “Chuang Yi” tankerində partlayış nəticəsində 1 nəfər ölüb, 6 nəfər yaralanıb.
Gəminin heyət üzvləri arasında indoneziyalı və manamalı dənizçilər var.
Hadisə yerinə xilasetmə əməliyyatı üçün iki vertolyot göndərilib. Artıq tankerdə yanğının lokallaşdırıldığı bildirilir.
Partlayışın səbəbi hələlik müəyyənləşdirilməyib.
Apa.az
