Husi lideri Səudiyyəni Yəmənlə deyil, İranla qarşı-qarşıya gəlməyə çağırıb
“Səudiyyə kralının Yəmənə girməkdən məqsədi İranın qarşısını almaqdırsa və kralın İranla haq-hesabı varsa onda onunla üz-üzə gəlsin!”
SalamNews xəbər verir ki, bunu Yəmənin Ali Siyasi Şurasının baş üzvü Məhəmməd Əli ə-Husi rəsmi twitter səhifəsində yazıb.
Əl-Husi Səudiyyə kralı Salman bin Əbdüləzizin ötən gün BMT Baş Assambleyasındakı çıxışına, Səudiyyənin İrana görə Yəmənə hərbi müdaxilə etməsi fikrinə münasibət bildirib.
Əl-Husi bildirib ki, Səudiyyə İrana görə Yəmənə girirsə bunu etməsin və İranın özü ilə qarşı qarşıya dursun.
M. əl-Husi əlavə edib ki, yəmənlilər hətta Səudiyyə ilə deyil ABŞ-la vuruşurlar. O bildirib ki, Səudiyyə bu müharibədə vasitədir.
