IAEA İranın nüvə öhdəliklərinə əməl etmədiyini elan etdi!
Sizinyol xarici KİV-ə istinadən xəbər verir:
Beynəlxalq Atom Enerjisi Agentliyinin (IAEA) İdarə Heyəti İranın nüvə təhlükəsizliyi öhdəliklərinə əməl etmədiyini bildirən qətnamə qəbul edib. Bu, son 20 ildə ilk dəfə baş verir.
Qətnamədə İranın 2019-cu ildən bəri bir neçə dəfə nüvə materialı və fəaliyyətləri barədə tam və vaxtında məlumat vermək öhdəliyini yerinə yetirmədiyi vurğulanır. IAEA-nın hesabatına əsasən, İran bir neçə açıqlanmamış nüvə obyektində uran hissəciklərinin mövcudluğuna dair texniki cəhətdən etibarlı izahat təqdim etməyib.
İran Xarici İşlər Nazirliyi bu iddiaları rədd edərək qətnamənin siyasi motivli olduğunu bildirib. İran rəsmiləri, IAEA-nın Sionistlərin istəklərinə xidmət etdiyini və bununla bağlı sənədləri ictimaiyyətlə paylaşacaqlarını açıqlayıb.
