İbrahim Rəisi: `Bizim təcili və qısamüddətli bir planımız var`
Bu gün İranən yeni prezidenti seyyid İbrahim Rəisinin vəzifəsinə başlaması ilə əlaqədar mərasim keçirilib.
Bu barədə FarsNews agentliyi məlumat yayıb.
Mərasimdə xalqa müraciət edən prezident deyib: “28-Xordad seçkilərinin mesajı mövcud vəziyyəti dəyişdirməkdən ibarətdir. Xalq bu seçkilərdən və hökumətdən istəyir ki, mövcud iqtisadi vəziyyətə və infilyasiyaya son qoyulsun. Sanksiyaların ləğv edilməsi əsas işlərimizdən biridir. Lakin xalqın süfrəsini əcnəbilərdən asılı hala gətirməyəcəyik.”
Daha sonra Rəisi öz əsas prioritetlərini açıqlayıb:
“Bizim təcili və qısamüddətli bir planımız mövcuddur. Mən xalqı əmin edirəm ki, məsələlər çox yaxşı araşdırılıb və planlar nəzərdə tutulub. Bu planlar dərhal həyata keçiriləcək. Biz hökmən sanksiyaların qaldırılması ilə məşğul olacağıq.”
O əlavə edib:
“İndi xalq bu seçkilərə qatılmaqla iqtisadi, ictimai və mədəni problemlərin həllini tələb edirlər. Xalq hökumətdən istəyir ki, ədaləti bərpa etsin, korrupsiya ilə mübarizə aparsın, inzibati işlərdə qeyri-sağlam əlaqələrə və rüşfətxorluq kimi İslam İnqilabının dəyərlərilə ziddiyyət təşkil edən nə varsa onlara son qoysun.”
Faktxeber
