İƏT sionist rejimin Məscidül-Əqsada ibadət edənlərə hücumunu pisləyib

İslam Əməkdaşlıq Təşkilatı (İƏT) sionist rejim hərbçilərinin Qədr gecəsində çoxlu sayda etikaf edənləri həbs etməsini və məsciddə namaz qılanlara qarşı həyata keçirdiyi hücumunu kəskin şəkildə pisləyib.

İƏT bəyanat yayaraq sionist rejim hərbçilərinin minlərlə fələstinli namazqılanın Məscidül-Əqsaya daxil olmasının qarşısını almasını və bu məscidin həyətləri daxilində onlara zəhərli və gözyaşardıcı qazla hücum etməsini və bunun nəticəsində yüzlərlə namazqılanın yaralanmasına və həbs edilməsinə səbəb olan hərəkətini pisləyib, bu hərəkətlərin bütün beynəlxalq qayda-qanunların və insani dəyərlərin açıq şəkildə pozulması olduğunu vurğulayıb.