İki gürcü, bir rus əsir götürüldü

Gürcüstanın Dəniz Nəqliyyatı Agentliyi bildirir ki, dəniz quldurları Qabonun ərazi sularında 3 dənizçini əsir götürüb. Məlumata görə, onlardan ikisi gürcü, biri isə rusdur.

Publika.az xəbər verir ki, bu barədə “RİA Novosti” məlumat yayıb.

“Gürcüstanın Cənubi Afrikadakı (CAR) Konsulluğundan alınan məlumata əsasən, mayın 2-nə keçən gecə Qabonun ərazi sularında lövbər salmış gəmidən 3 dənizçi qaçırılıb. Gəmidə qalan dənizçilər üçün təhlükə yoxdur”,- deyə agentlik bildirib.

Gürcüstanın Cənubi Afrikadakı konsulu, Gürcüstan Xarici İşlər Nazirliyi və Amerika gəmiçilik şirkəti dənizçilərin axtarışına qoşulub.

Publika.az