İngiltərənin İsrailə silah-sursat göndərilməsi ilə bağlı ikiüzlülüyü

Londonda hökumətin işğalçı İsrailə silah-sursat göndərilməsini dayandırdığı iddiasına baxmayaraq, Britaniya dövlətinin parlamentini və ictimaiyyəti aldatdığı üzə çıxıb.Bir hesabatın nəticələri göstərir ki, London hökumətinin İsrailə silah və sursat göndərilməsinin dayandırıldığına dair iddialarına baxmayaraq, bu ölkənin silah şirkətləri hələ də İsrail ordusuna hərbi təchizatlar göndərməkdə davam edir. Məqsəd bu rejimin Qəzza xalqına qarşı apardığı müharibə kampaniyasını dəstəkləməkdir.

Əl-Cəzirənin məlumatına görə, hesabatda bildirilir ki, ixracın dayandırılması qərarından bəri Böyük Britaniya İsrailə 8600-dən çox sursat göndərib. Bu məhsullar “bomba, qumbara, torpeda, mina, raket və digər döyüş sursatları və onların ehtiyat hissələri” kateqoriyasına aiddir.

Böyük Britaniya öz əhalisinin və insan haqları təşkilatlarının təzyiqi altında İsrail ordusuna silah göndərməkdə ittiham olunarkən, xarici işlər naziri Devid Lami, ticarət naziri Conatan Reynolds və digər kabinet üzvləri sentyabr ayında İcmalar Palatasına təqdim etdikləri hesabatda F-35 qırıcı təyyarələrinin hissələrinin İsrailə birbaşa göndərilməsinin dayandırıldığını iddia etmişdilər. Lakin mövcud sübutlar bu hissələrin hələ də İsrailə göndərildiyini və bu prosesin davam etdiyini göstərir.

Bu ifşa, Britaniya hökumətinin “bu məsələ ilə bağlı parlamenti və ictimaiyyəti çaşdırdığı və aldatdığı” müzakirələrini gündəmə gətirib.