İntifada rəhbəri: Trampın qorxusu sizi heç bir yerə çatdırmayacaq

İntifada və Beynəlxalq Qüds Günü qərargahının rəhbəri Trampın qorxusunun heç kəsi heç bir yerəçatdırmayacağını deyib.

Sizinyolun xarici medialara istinadən verdiyi məlumata əsasən, Sərdar Ramazan Şərif bu gün (28 mart)  Beynəlxalq Qüds Günü yürüşündən sonra deyib: Bu gün Müqavimət Cəbhəsi və Fələstin öz yolunu tapıb, gələcək haqq yolunda davam edənlərin, məğlubiyyət isə boş və batil nağara çalanlarındır. Sionistlər və amerikalılar bilməlidirlər ki, müqavimət hərəkatı o qədər sabitdir ki, Hacı Qasım Süleymani, İsmail Həniyyə və Seyid Həsən Nəsrullahın şəhadəti ilə onların yerini digər müqavimətçilər alacaqlar.

Sərdar Ramazan Şərif  əlavə edib: Xalq öz şövqlü varlığı ilə və bütün çətinliklərə baxmayaraq, Həmas və Hizbullah şəhidlərinə dəyər verdi və bu şövqlü varlığı ilə İslam dünyasında nümunə oldu.

İntifada qərargahının rəhbəri İslam İnqilabının böyük banisinin xatirəsini ehtiramla yad edib və deyib: İmam Xomeyni (rəh) Qüds gününü təyin etməklə Fələstin məsələsinin və İslam torpaqlarının qəsb edilməsinin unudulmamasını təmin etdi və bu hərəkət sayəsində bu gün Fələstinin dünyanın əsas məsələsinə çevrildiyinin şahidi olduq.

Sərdar Şərif bəyan edib: Bütün çətinliklər, şəhadətlər və iztirablarla yanaşı, Allah bu sıxıntıların külünün altından nur saçacaq və sionist rejimin məyus siması həmişəkindən daha çox görünəcək.